《再會Menclub》
上星期被通知在Menclub的專欄暫時因為疫情關係而暫停，要來的終於要來，亦比我想像中要遲得多。
由2014年12月開始寫，到依家2020年7月，每星期一篇，已經幫menclub寫左接近300篇文，聚散有時，雖然我聽係暫定，但我諗好大機會係停載了，想為呢個結尾劃上一個句號。
Menclub好好，從來無彈過我稿，咩題材都可以比我寫，而佢亦唔會因為有文章反應差而比任何說話我聽，交稿如果要遲都無乜所謂，講真係待我不薄了。
網媒通常係起步都會招攬有讀者嘅人去推高知名度，用完即棄，但Menclub知名度一直都比我高，我帶動到嘅流量實在有限，兩三年前我都覺得差唔多時候會收到通知，係上年下半年佢地廣告收入大減，聽聞仲裁員，但佢哋無停我嘅專欄，但面對疫情，應該頂唔住了。
我同編輯講，理解嘅，大家都要保重，撐住，逢星期四追稿，星期五交稿既生活，維持咗五年有多，當中我仲去過澳洲工作假期、結婚、轉工、搬屋等，回望返舊文，真係好多生活點滴係裡面。
因為只可以轉載部份同埋連結嘅關係，好多時我都無放係自己page，除非覺得寫得特別好，可能好多讀者都唔知我有寫過咁多篇，有興趣的話，可以係留言位度click入去blog入面一篇一篇睇，免費啊～我都希望可以係呢個時間，幫到佢哋增加人流量。
而我亦會將我係Menclub入面喜歡嘅文章放返出嚟比大家睇。
最後最後一個專欄都完埋，依家我係自由之身了。
往後時間希望寫更多散文同故事比大家分享！
Search